ⵜⴰⵎⴰⵣⵉⵖⵜ ⵜⵥⴹⴰⵕ ⴰⵜⴽⵛⵎ ⵙ ⵓⵎⴰⴹⴰⵍ ⴰⵎⵓⵟⵟⵓⵏ
ⵖ ⵜⵉⴽⵍⵜ ⵜⴰⵎⵣⵡⴰⵔⵓⵜ ⵖ ⵍⵎⵖⵔⵉⴱ, ⵔⴰⴷ ⵜⵉⵍⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖ ⵜⵉⵙⴰⵡⵔⵉⵏ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵉⵏⴰⵎⵎⴰⵙⵏ ⵉⵎⵙⵡⵓⵔⵉⵏ ⵏ ⵓⵎⵢⴰⵡⴰⴹ ⵖ ⵍⵎⵖⵔⵉⴱ SICCAM, ⵍⵉ ⵔⴰⴷ ⵜⵙⴱⵔⴽ ⵜⵉⴳⵎⵉ ⵜⵓⵎⵍⵉⵍⵜ ⵓⵙⵙⴰⵏ ⵏ 20 ⴷ 21 ⵖ ⵡⴰⵢⵓⵔ ⴰⴷ ⵏ ⵢⵓⵏⵢⵓ.
ⴰⵍⵎⵓⵇⴰⵔ ⴰⴷ ⵉⵥⵥⵍⵉⵏ ⵙ ⵜⵉⴽⵏⵓⵍⵓⵊⵢⴰ ⵔⴰⴷ ⴳⵉⵙ ⵉⴷⵔⵓ ⵎⴰⴷ ⵉⵜⴳⴰⵏ ⵄⵛⵔⵉⵏ ⴷ ⵎⵔⴰⵡ (30) ⵏ ⵉⵎⵙⴼⵙⵔⵏ ⵖ ⵜⵓⴳⵜ ⵏ ⵉⴳⵣⵓⵎⵏ ⵉⵎⵓⵟⵟⵓⵏⵏ, ⵉⵎⴷⵔⴰⵡⵏ ⴰⴷ ⵓⵛⴽⴰⵏⴷ ⵖ ⵚⴹⵉⵚ ⵏ ⵜⵎⵉⵣⴰⵔ ⵖ ⵓⵎⴰⴹⴰⵍ,
ⵖⵎⴽⵍⵉ ⵢⵉⵡⵉⵙ ⵓⵍⵎⵓⵇⴰⵔⴰ ⴰⴷ ⵖ ⵢⴰⵜ ⵜⵖⴰⵡⵙⴰ ⴱⴰⵀⵔⴰ ⵉⵙⵜⵓⵀⵎⴰⵏ, ⵜⴳⴰⵜ ⵜⵓⵜⵍⴰⵢ ⵜⵎⴰⵣⵉⵖⵜ ⵍⵉ ⵎⵉ ⵥⵍⵉⵏ ⵜⴰⵙⴰⵡⵔⵜ ⵖ ⵓⵙⴼⵙⵔ ⴰⴷ, ⵜⴰⵎⴰ ⵏ ⵜⵓⵜⵍⴰⵢⵏⵉ ⵢⴰⴹⵏⵉⵏ ⵏ ⵎⴰⴹⴰⵍ,
ⵉⵍⵉ ⵏ ⵜⵎⴰⵣⵉⵖⵜ ⵖ ⵓⵍⵎⵓⵇⴰⵔ ⴰⴷ ⴰⵔ ⵉⵙⴱⵢⴰⵏ ⵎⴰⵙⴷ ⵜⴰⵎⴰⵣⵉⵖⵜ ⵜⵥⴹⴰⵕ ⵓⵍⴰ ⵏⵜⴰⵜ ⴰⵜⴳ ⵜⵓⵜⵍⴰⵢⵜ ⵏ ⵜⵉⵎⴰⵙⵙⴰⵏⵉⵏ ⵜⵉⵎⵓⵟⵟⵓⵏⵉⵏ ⴷ ⵜⵉⴽⵏⵓⵍⵓⵊⵢⴰ.
ⴰⴷⵓⵔ ⵏ ⵜⵡⵓⵔⵉ ⵢⴰⴷ ⵉⵍⵍⴰ ⴷⴰⵔ «ⵜⵎⵢⴰⵡⴰⵙⵜ ⵏ ⵓⵙⵏⵖⵎⵙ ⴰⵎⵉⵖⵉⵙ» ⵍⵉ ⵢⴳⴰⵏ ⴰⵏⵙⵉⵅⴼ ⵏⵏⵙ ⵎⴰⵙⵙ ⵃⵓⵙⴰⵢⵏ ⵙⴰⴼ, ⵖⵎⴽⵍⵉ ⵜⵉⵡⵙ ⴼⴰⴷ ⴰⴷ ⵜⴳ ⵜⵎⴰⵣⵉⵖⵜ ⵖ ⵜⵡⵓⵔⵉ ⵏ ⵓⵙⴼⵙⵔ ⴰⴷ.
* ⵕⴰⵛⵉⴷⴰ ⵉⵎⵔⵣⵉⴳ