ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⵅⴼ ⵜⵓⵙⵏⵜ ⵏ ⵉⵚⵕⴰⵢⵉⵍ ⵙ ⵜⵎⵖⵔⴰⴱⵉⵢⵜ ⵏ ⵜⵏⵣⵔⵓⴼⵜ
« ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ – ⴰⴷ ⵜ ⵉⵏⵚⵕ ⵕⴱⴱⵉ- ⵢⴰⵜ ⵜⴱⵔⴰⵜ ⵙⴳ ⴷⴰⵔ ⵓⵎⴰⵡⵙⴰⵙ ⵏ ⵓⵡⴰⵏⴽ ⵏ ⵉⵚⵕⴰⵢⵉⵍ ⴰⵎⵇⵇⵔⴰⵏ ⵎⴰⵙⵙ ⴱⵏⵢⴰⵎⵉⵏ ⵏⵉⵜⵏⵢⴰⵀⵓ.
ⵙ ⵜⴱⵔⴰⵜ ⴰⴷ, ⵢⵓⵍⵍ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵉⵚⵕⴰⵢⵉⵍ ⵙ ⵜⵓⵙⵙⵏⴰ ⵜⴰⵎⴰⵜⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ – ⴰⴷ ⵜ ⵉⵏⵚⵕ ⵕⴱⴱⵉ- ⵜⴰⵖⵜⵙⵜ ⵏ ⵓⵡⴰⵏⴽ ⵏ ⵉⵚⵕⴰⵢⵉⵍ » ⵜⵓⵙⵏⵜ ⵙ ⵓⵙⵓⴳⵔ ⵏ ⵍⵎⵖⵔⵉⴱ ⵅⴼ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⵜⴰⵜⴰⵔⴰⵎⵜ (ⵏ ⵜⴰⴳⵓⵜ).
ⴳ ⵓⵎⵏⴰⴹ ⴰⴷ, ⵉⵙⴷⴷⵉⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵉⵚⵕⴰⵢⵉⵍ ⵎⴰⵙ ⴷ ⴰⵎⵏⴰⴷ ⵏ ⵜⵎⴰⵣⵉⵔⵜ ⵏⵏⵙ ⵔⴰⴷ ⵉⵜⵜⵢⴰⵡⵏⵏⴰ ⴳ ⵜⵡⵓⵔⵉⵡⵉⵏ ⴰⴽⴽⵯ ⴷ ⵜⵏⵜⴰⵎⵉⵏ ⵏ ⵜⵏⴱⴰⴹⵜ ⵏ ⵉⵚⵕⴰⵢⵉⵍ ⵏⵏⴰ ⴷⵉⴷⵙ ⵉⵣⴷⵉⵏ, ⵢⴰⵎⵥ ⵓⵍⴰ ⵅⴼ ⵎⴰⵙ ⵔⴰⴷ ⵢⵉⵍⵉ « ⵓⵙⵏⵖⵎⵙ ⵏ ⵜⵎⵜⵜⵉ ⵉⵎⵓⵏⵏ, ⴷ ⵜⵎⴰⴷⴷⴰⵙⵉⵏ ⵜⵉⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵏⵏⴰ ⵖ ⵜⴳⴰ ⵉⵚⵕⴰⵢⵉⵍ ⴰⴳⵎⴰⵎ, ⴷ ⵓⵍⴰ ⵜⵉⵎⵉⵣⴰⵔ ⵏⵏⴰ ⵙⵎⵓⵏⵏⵜ ⵜⵣⴷⴰⵢⵉⵏ ⵜⵉⴷⵓⴱⵍⵓⵎⴰⵙⵉⵢⵉⵏ ⴷ ⵉⵚⵕⴰⵢⵉⵍ » ⵙ ⵜⵖⵜⴰⵙⵜ ⴰⴷ.
ⴳ ⵜⴱⵔⴰⵜ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ, ⵢⵉⵡⵉ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵉⵚⵕⴰⵢⵉⵍ ⵎⴰⵙ ⴷ ⵉⵚⵕⴰⵢⵉⵍ, ⴰⵔ ⵉⵜⵜⵃⵢⵢⴰⵍ, ⵙ ⵓⵎⵏⵉⴳ, ⴰⵏⵏⵓⵕⵥⵎ ⵏ ⵜⵎⵙⵇⴰⴷⵜ ⵏⵏⵙ ⴳ ⵜⵖⵔⵎⵜ ⵏ ⴷⴷⴰⵅⵍⴰ », ⵓⵢⴰ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵖⵜⴰⵙⵜ ⴰⴷ ⵏ ⵓⵡⴰⵏⴽ.
ⴰⵙⵓⵖⵍ : ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ