ⵔⵔⴳⵔⴰⴳⵉ ⵢⵓⵎⵥ ⴳ ⵓⵙⴰⴼⵓ ⵏ » ⵜⴰⴼⵔⵉⵇⵜ ⵉ ⵉⴼⵔⵉⵇⵉⵢⵏ » ⵢⴰⴳⵯⵉ ⴰⴷ ⵢⴰⵙⵉ « ⴰⵛⵏⵢⴰⵍ ⵏ ⵡⴰⵄⵕⴰⴱⵏ »
ⵢⴰⵖⵓⵍ ⴷ ⵓⵎⵙⵙⴰⵏⵓⵏ ⵏ ⵉⵎⵙⵜⵉ ⴰⵏⴰⵎⵓⵔ ⴰⵎⵖⵔⵉⴱⵉ, ⵡⴰⵍⵉⴷ ⵔⵔⴳⵔⴰⴳⵉ, ⴰⴷ ⵉⵙⴷⴷⵉⴷ ⵜⵉⴽⴽⵍⵉⵜ ⵢⴰⴹⵏ ⵎⴰⵙ ⴷ « ⵉⵣⵎⴰⵡⵏ ⵏ ⵡⴰⵟⵍⴰⵚ » ⴷ ⵉⴳⵏⵙⴰⵙⵏ ⵏ ⵉⴼⵔⵉⵇⵢⴰ ⴷ ⴰⵔ ⵜⵜⵓⵔⴰⵔⵏ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ ⴰⴽⴷ ⵉⵎⵙⵜⵉⵢⵏ ⵉⴼⵔⵉⵇⵉⵢⵏ ⵅⴼ ⵜⴽⵓⵙⵜ ⵏ ⵢⵉⴼⵔⵉⵇⵢⴰ ⴳ ⵍⴽⵓⵜ ⴷⵉⴼⵡⴰⵕ.
ⵙ ⵜⵙⵓⵍⵜ ⵏ ⵓⵙⵄⵕⵕⴱ ⴰⴷⵢⵓⵍⵓⵊⵉ ⵉ ⵉⵎⵙⵜⵉ ⴰⵏⴰⵎⵓⵔ ⴰⵎⵖⵔⵉⴱⵉ ⵏⵏⴰ ⵉⵙⵎⴷⵢⴰⵏ ⵜⵉⴷⴷⴰⵙ ⵏ ⵡⴰⵎⵓⵏ ⴰⵎⵖⵔⵉⴱⵉ ⵉⵜⵜⵢⴰⵡⵙⵙⴰⵏⵏ ⵙ ⵓⵎⵢⴰⵡⴰⵙ ⵏⵏⵙ ⴰⴷⵍⵙⴰⵏ ⴷ ⵓⵙⵏⵉⵍⵙ, ⴷ ⵙ ⵓⴷⵓⵙⵜⵓⵔ ⵏⵏⴰ ⵉⴼⵔⴳⵏ ⴰⵎⵢⴰⵏⴰⵡ ⴰⴷ, ⵣⵓⵏ ⴷ ⴰⴽⴽⵯ ⵜⵉⵙⴳⵓⵔⵉⵡⵉⵏ ⴳⴳⵓⵜⵏⵉⵏ ⵏⵏⴰ ⵉⴼⴽⴰ ⴳ ⵓⵣⵎⵣ ⵏ ⵜⵙⴽⵔⴰⵡⵜ ⵏⵏⵙ ⵜⴰⵎⵣⵔⴰⵢⵜ ⴳ ⵓⵎⵓⵏⴷⵢⴰⵍ ⵏ ⵇⴰⵟⴰⵕ 2022, ⵍⵍⵉⵖ ⵉⵍⴽⵎ ⴰⴽⴽⵓⵥ ⵏ ⵡⵓⵔⵣ, ⵢⴰⵎⵥ ⴳ ⵜⵙⴳⵓⵔⵉⵡⵉⵏ ⵏⵏⵙ ⴰⴽⴽⵯ ⵎⴰⵙ ⵢⵓⵙⵉ ⴰⵙⴰⴼⵓ ⵏ ⵡⵓⵔⴰⵔ ⵉ ⵜⵎⵏⵥⴰⵡⵜ ⵜⴰⴼⵔⵉⵇⵜ.
ⵉⵙⵎⴰⵢⵏⵓ ⵡⴰⵍⵉⴷ ⵔⵔⴳⵔⴰⴳⵉ ⴰⵙⵙ ⴰⴷ ⵏ ⵡⴰⵢⵏⴰⵙ, ⴳ ⵜⵙⴳⵓⵔⵉⵡⵉⵏ ⵏⵏⵙ ⴳ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵏⵏⴰ ⵉⵣⵡⵡⵓⵔⵏ ⴰⵎⵏⴰⵍⴰ ⵏ « ⵉⵣⵎⴰⵡⵏ ⵏ ⵡⴰⵟⵍⴰⵚ » ⵎⴳⴰⵍ ⵏ ⵢⵉⴼⴼⵓⵙ ⵏ ⵢⵉⴼⵔⵉⵇⵢⴰ, ⴰⵎⵏⴰⴷ ⵏⵏⵙ ⴰⵙⴼⴼⵏⵥⴰⵢ ⴷ ⵉⴼⴰⵡⵏ ⵙ ⵓⵙⵎⴷⵢⴰ ⵏ ⵍⵎⵖⵔⵉⴱ ⴷ ⵓⵔ ⵜⵜ ⵉⵡⵉⵏ ⴳ « ⵓⵛⵏⵢⴰⵍ ⵏ ⵡⴰⵄⵕⴰⴱⵏ » ⵢⵉⵏⵉ ⴳ ⵜⵎⵔⴰⵔⵓⵜ ⵏⵏⵙ ⵉ ⵢⴰⵏ ⵓⵙⵇⵙⵉ ⵉⵣⴷⵉⵏ ⵙ « ⵓⵙⵎⴷⵢⴰ ⵏ ⵓⵎⴰⴹⴰⵍ ⴰⵄⵕⴰⴱ » ⴹⴰⵕⵜ ⵏ ⵡⵓⴼⵓⵖ ⵏ ⵎⵉⵚⵕ ⵙⴳ ⵓⵎⵃⵉⵣⵡⴰⵔ » ⵍⵎⵖⵔⵉⴱ ⴰⴷ ⵉⵢⵉ ⵉⴳⴰⵏ ⴰⵏⴼⵔⴰⵔ, ⵓⵔ ⴰⵔ ⵏⵙⵡⵉⵏⴳⵉⵎ ⴳ ⵜⵎⵏⵜⵉⵍⵜ ⴰⵏⵏ, ⵉⵣⴷⵉⵏ ⵙ ⵡⵓⵔⴰⵔ ⵉ ⵓⵛⵏⵢⴰⵍ ⵏ ⵡⴰⵄⵕⴰⴱⵏ, ⵏⴽⴽⵯⵏⵉ ⵏⵍⵍⴰ ⴳ ⵖⵉⴷ ⵉ ⵍⵎⵖⵔⵉⴱ ⴳ ⵓⵎⵃⵉⵣⵡⴰⵔ ⴰⴼⵔⵉⵇⵉ ».
ⵉⵔⵏⵓ ⵓⵔ ⴷ ⵉⵇⵇⴰⵏ » ⴰⴷ ⵜⵉⵍⵉ ⵜⵖⵓⵢⵢⵉⵜ ⵅⴼ ⵜⵔⵓⴱⴱⴰ ⵜⵉⵎⵖⵔⴰⴱⵉⵢⵉⵏ ⵏⵉⵖ ⵜⵉⵏ ⵡⴰⵄⵕⴰⴱⵏ, ⵜⵉⴷⵜ ⵉⴳⴰ ⵜⵜ ⵎⴰⵙ ⴷ ⵜⵉⵖⴰⵡⵙⵉⵡⵉⵏ ⵛⵇⵇⴰⵏⵜ ⵅⴼ ⵉⵎⵙⵜⵉⵢⵏ ⵏ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ, ⴹⵕⵏⵜ ⴰⴽⴽⵯ, ⵏⵖⴰⵎⴰ ⴷ ⵖⴰⵙ ⵏⴽⴽⵯⵏⵉ ⴷ ⵎⵓⵕⵉⵟⴰⵏⵢⴰ ».
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ