طمينة بالمكسرات بالتفصيل

طمينة بالمكسرات بالتفصيل



المقادير :



كيلة عسيلة
كيلة زبدة او مرغرين ومن الاحسن ستار
كيلة مكسرات محمصين ومرحيين رقيق
بسيسة

طريقة التحضير :
اولا البسيسة هي خليط بين قمح و شعير و حمص و عدس محمصيين ومرحيين غبرة



نسخن العسيلة و نضع فيها كيسان شاي ليبتون ،هنا دو الشاي ينقصلنا الجلاوة باش ما تجيناش تقهم
حطو البسيسة نتاعكم في مقلى و حمصوها شوية برك باش تطلق البنة نتاعها.



العسيلة ما تخليوهاش تغليلكم لانو من اسباب الي تخلي طمينة تجي يابسة او معلكة هو العسل كي يغلي رايح يزيد يعقد كثر .
الي تقدر تزيد العسل الحر يعطيها ذوق رائع حسب المقدور
نضيفة كيلة الزبدة الذائبة نسخنوهم مليح غير يبداو يغليو تنحيهم تضيفولهم كيلة مكسرات و تكملو بالبسيسة حتى تتحصلو على خليط سائل نوعا ما ،ما لازمش ديروه عاقد خطراش من بعد تيبسلكم
تزينوها على طريقتكم



في حالة غفلتي على العسيلة وخليتها عقدت زيديلها قليل من الماء الساخن .
المكسرات نتوما و مقدوركم وتقدرو ديروها غير بالكوكاو و تجيكم روعة
بالنسبة لناس الشرق البسيسة متوفرة ،اما ناس العاصمة راهي موجودة في قلاكسي عين النعجة ،برومي اودان، تلقاوها قمح فقط سعرها 120 دج تشريولها الحمص غبرة الي طيبو بيها كرانتيكا ،تحمصوها شوي وتضيفوها .


تقديم طمينة بالمكسرات

نتمنالكم شهية طيبة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.



https://www.alfwasfa.com/%d8%b7%d9%85%d9%8a%d9%86%d8%a9-%d8%a8%d8%a7%d9%84%d9%85%d9%83%d8%b3%d8%b1%d8%a7%d8%aa-%d8%a8%d8%a7%d9%84%d8%aa%d9%81%d8%b5%d9%8a%d9%84/