Awal n umedyaz
Amedyaz yerfed awal
Mi t-yenna yezɣeb uglim
Amedyaz yerfed awal
Mi t-yenna yezɣeb uglim
Awal yerra-as azal
Fell-as acḥal yettxemmim
Yeqqar: “Tutlayt-iw tuklal
Azekka ad s-yili d urqim”
Ay amedyaz n tmara
Terra tudert yessefray
Tugiḍ ad k-teqqar tara
Iferr ad t-swen d ttay
Kečč ur k-d-yettɣimi kra
Ala ul-ik ma yesnektay
Ijdi n tneẓruft yeɛjel
Tamurt ad s-ibeddel udem
Ijdi n tneẓruft yeɛjel
Tamurt ad s-ibeddel udem
Tiyita-s ur tzeggel
Anida ara tres d ilem
Teɛreq tikli i Leqbayel
Ddan ɣef uɛebbuḍ am uzrem
Yergagi uẓar yessawel
I yimezwura ma ad s-d-slen
Yergagi uẓar yessawel
I yimezwura ma ad s-d-slen
Awal amziɣ yekbel
Deg wafriwen i t-qqnen
Taffugt ar tura tegdel
Ɣullen-t s talluyt d asawen
Ma d lmidad d idammen
Ɣef waya i d-yekker usefru
Yeqqar lehdur qerriḥen
Yessendeh achal d imru
Ma d lmidad d idammen
Tafat n wass ad d-tejbu
Ass-a neɣ win-nniḍen.