كيش بالدجاج
مقاديركيش بالدجاج :
العجينة :
2 كؤوس فرينة،
1 ملعقة صغير خميرة كيماوية(5 غ) ،
1 ملعقة صغير سكر عادي،
1/2 ملعقة صغيرة ملح ،
1/2 كاس زيت ،
1 بيضة كاملة ،
قليل من الماء
الحشو :
بصلة صغيرة،
1/2 صدر دجاج مقطع رقيق،
زيت،
ملح،
فلفل اسود،
1 بيضة كاملة،
1 علبة ياغويت طبيعي؛
صلصة البشاميل:
1ملعقة كبيرة فرينة،
1 ملعقة كبيرة زبدة،
1 كاس حليب،
4 حبات جبن مثلثاث
طريقة تحضيرليكيش بالدجاج :
العجينة :
في اناء نضع الفرينة، خميرة كيماوية، سكر عادي، ملح و نخلطهم مع بعض ثم نضيف الزيت و نبسسها ، في الوسط نضع البيضة نضيف فوقها قليل من الماء و نفتح البيضة
ثم نلم العجينة دون دلك ، نضعها في كيس بلاستيكي و نتركها ترتاح لمدة 30 دقيقة
الحشو :
في مقلاة نضع قليل من الزيت و نضيف له بصلة صغيرة مقطعة رقيق و نتركها تتقلى ثم نضيف لها الدجاج مقطع رقيق وقليل من الملح و الفلفل الاسود و نخلطهم مع بعض و لما يطيب نطفىء
ناخذ بيضة كاملة و نضيف لها الياغويت الطبيعي و نخلطهم مع بعض حتى ينساجموا ثم نسكب فوقهم الدجاج و نخلطهم مع بعض
ناخذ كيس يكون حجم المول و نضع فوقه العجينة و نفتحها بالحلال على شكل دائري
ثم نحمل العجينة بالكيس و نضعها فوق المول و نسويها من الجوانب ثم نثقبها في الوسط باستخدام فرشاة
نضع الحشو في الوسط و نسويه كطبقة اولى
صلصة البشاميل :
في اناء نضع الفرينة ، الزبدة ونضعهم فوق النار مع التخليط المستمر حتى تتحمص الفرينة ثم نضيف الحليب، الجبن مثلثاث، الملح، فلفل اسود و نخلطهم مع بعض حتى تتخثر و نطفىء
مباشرة نسكبها فوق الحشو و نسويها كطبقة ثانية ، ثم نضيف كمية من الجبن المبشور
ندخلها الى فرن مسخن على 180 درجة حتى تطهى
طريقة التحضير بالفيديو :
شاهدي الفيديو للحصول على الطريقة بأدق تفاصيلها والمقادير مضبوطة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.
صحة وعافية على قلوبكم
أتمنى لكم وجبة شهية!