Tutlayt yettwaggzen (Langue menacée de disparition). Tesselqaf (Ellle agonise)
nettaru-tt, neqqar-itt, nettmeslay yis-s….
Tesselqaf
Ur tufiḍ d acu i s-d-iggran
Anida i teṭṭal d ilem
D sseḥra ur tufi aman
Tekkaw d ixerban teddrem
Ur tenwi ad s-d-ggrin wussan
Ussan yeččuren d ssem
D tazeggart yemγin g uḥriq
Tefka aẓar-is yal tama
D ilili i s-teẓẓa g umḍiq
Anda seg zik i tezga
Tedder i uḥeggeẓ d ṭṭiq
D ayen ur tuksan ara
Tamaẓẓagt n tfunast teqqur
Mi tt-ttḍen yedda-d rrseḍ
Ass-agi zzin-as aεrur
Ar yiri n uẓekka tuweḍ
Ameksa deg-s yezzuγur
Yettraju melmi ara tezzelkeḍ
D tunsibt ara tuɣal deg tmurt-is
Tecfa-d i lweqt mi yebda
Tedder d lewḥuc yekfan
Acḥal d iγzer s i d-tεedda
Tedda ḥafi f usennan
I tḍegger g wayen i tesεa
D ayen yugaren imelyan
Tesselqaf am umejruḥ
Tiyita tečča-tt g wallaγ
Amer ufan ad tt-iffeγ rruḥ
G wul-nsen miḥyaf yezdeγ
Aγbel deg d- teggra ur mecÌuḥ
Sersen-tt f yirrij azeggaγ
Tixer-as i yinijel ad yali
Tizwal ara d-ifek meqqrit
Amger anef-as ad yeγli
Ad t-tečč s ṣṣdad tmeddit
Tagmat g tmurt ad d-temγi
Deg tidet mačči g targit .
Umnen ad awḍen
Begsen s usirem